Aruba Bank apoyando creatividad den trahamento dilema

ORANJESTAD,Aruba – December 2018: Otro aña lo tuma luga Carnaval 65 y pa esaki Aruba Bank ta un di esponsornan principal di SMAC, cu a bin cu un campaña special pa hobennan. Ecampaña ta pa haci uzo di creatividad di nos hobennan, pa yega na un slogan paCarnaval 65.

Hopi hoben a participa, siguiendo e criterianan necesario, esta mester a traha un lema sea na Papiamento of combina cu Ingles y mester rima cu 65 y maximal 15 palabra.

Aruba Bank hunto cu SMAC y demas sponsor ta contento di a mira e creatividad di e hobennan di Aruba. No tabata facil pa por a saca e ganado y na final a scoge e studiante di Juffrouw Ann-Jillian, kende ta e hoben Zyricq Lacle di klas 4B di Colegio Conrado Coronel. El a gana varios premio y tambe un cuenta di spaar ABC cortesia di Aruba Bank.

Aruba Bank ta felicita cada un participante cu a bin cu e lemanan sumamente creativo. Pabien Zyricq y disfruta di bo premionan.