WILLEMSTAD – Resientemente Caribbean Public Health Agency (CARPHA) a lansa un wega debertido i edukativo ku nan a titulá Zap-a-‘quito ku  por download gratiuitamente for di Play Store di Google. Ta trata di un wega super edukativo, kaminda esnan ku download e app aki, lo  por no solamente siña mas di e sangura ku ta transmití e virus di Zika i for di unda el a bini mediante di preguntanan ku ta keda hasi, pero e kos di mas interesante ta ku e wega ta enkurashá tur hende pa   torpediá e sangura.

Ministerio di Salubridat, Medio Ambiente i Naturalesa ta enkurashá mayornan pa laga muchanan i hobennan download i  hunga e wega edukativo aki i asina  bira mas konsiente ku sangura ta peligroso i mester eliminá esaki. Esnan ku kier haña un idea kon e wega aki ta, lo por bai riba e link di youtube https://youtu.be/zk81CMm31-4  i mira e promoshon pa Zap-a-quito ku ta un wega super divertido. Djis bai riba Google Play Store i download e app aki i BAN  torpediá e sangura. Ministerio di GMN ta sigui bai ku teknologia. Tur hende por “like” nos Facebook page  GMN TV i asina keda na altura di tur loke ku nos ta hasiendo den Ministerio di Salubridat, Medio Ambiente i Naturalesa. Ministerio di GMN ta trahando riba futuro di Kòrsou.