Ofresiendo konsiertonan grátis den Karibe ku Freewinds
WILLEMSTAD – Den e dianan ku a pasa, e organisashon Freewinds, promé ku nan a regresá Kòrsou djaluna dia 18 di yüli, tabata den vários Isla den Karibe i meskos ku ta e kaso aki na Kòrsou, aya tambe nan a ofresé konsierto grátis. Na e okashon aki, Freewinds a tene nos menos ku 3 konsierto kuminsando na St. Lucia djaluna anochi, na St. Vincent djamars anochi i na Barbados djasabra último, promé ku nan a Sali rumbo pa Kòrsou.
Na e okashon aki, mester bisa ku Kòrsou tabata tin dos músiko di su tera na bordo di Freewinds. Ta trata aki di e trompetista Norman Kooks i e trombonista Giovanni Atalita ku a subi Freewinds na St. Lucia djaluna siman pasa i prominentemente a forma parti di e diferente konsiertonan aki.
Un dje kosnan great ku Freewinds tin años ta hasi ta envolví Artistanan i Músikonan di e Isla na momentu ku nan ta bai presentá.
- LUCIA
Esei sigur tabata e kaso na St. Lucia, kaminda The Freewinds band a haña refuerso di un dje mihó guitaristanan di e Isla ku ta Mr. Boo i tambe un hóben riba drùms ku yama Stiks. Na e okashon aki e kompañá e kantante di St. Lucia di nòmber Shannon. Mester menshoná ku na St. Lucia por a mira un grupo di hóbennan dje Isla ku a presentá den e show aki, kaminda e bahista di su bass tabata mas grandi ku su kurpa. E pueblo di St. Lucia ku tabata presente a disfrutá sigur.
- VINCENT
Na e Isla aki tambe The Freewinds a tene su show, kaminda kombiná ku kantantenan di e Isla aki manera entre otro Kahaila Beach a presentá. Ta trata aki di un kantante ku durante hopi aña a kanta riba barkunan krusero. Un tremendo show ku a laga e pueblo di St. Vincent enkantá.
BARBADOS
Djasabra anochi, ku mas di 500 hende presente te ku mester a repartí nan den sala, The Freewinds Band a presentá kompañando dos kantante super famoso di e isla kendenan ta Tamara i John King. E públiko sigur a disfrutá sigur di e tremendo show aki, sigur mirando ku tabata trata di e último show pa awor aki na Barbados. Tambe den e show aki a toka e guitarista Michael di Barbados.
DOS YU DI KÒRSOU
Mester indiká ku den e shownan aki, Kòrsou tabata ta grandemente representante den persona di Norman Kooks ( trompèt) i Giovanni “El Gio” Atalita riba trombon, tantu na St. Lucia, St. Vincent i na Barbados. Na kada un dje shownan aki, na momentu ku ta introdusí e sekshon di metal, tabata hasi referensha ku nan ta di Kòrsou, opviamente hasiendo un propaganda indirekto pa e dushi Isla Kòrsou.
FREEWINDS TA BEK NA ABC
Despues di su estadia pa algun luna na Eastren Caribbean, Freewinds ta bek na e Islanan ABC i djamars dia 19 di yüli nan lo tin un konsierto grátis ku presentashon di e hóben kantante Kadir Snijder.