COLECTA  TAPANAN DI YOPLAIT Y APORTA NA MARY JOAN FOUDATION

Oranjestad Aan, September 19, 2013: Diahuebs ultimo Yoplait y su distribuidor, Frasa International Trading a lansa pa di 10 aña consecutivo nan campaña anual “SAVE LIDS TO SAVE LIVES”, cada tapita ta conta, recuadando fondo pa Mary Joan Foundation. E campaña aki ta un iniciativa di Yoplait Internacional cu a cuminsa 15 aña pasa y cu te awe a logra di recuada mas di $50 miyon pa fundacionan manera Susan G. Komen^® cu ta traha den e lucha contra cancer di pecho y ta concientisa comunidadnan rond di mundo di e malesa aki. Localmente Yoplait a recauda mas di AWG100.000,- cu e campaña aki den e ultimo 10 aña, contribuyendo asina na un comunidad mas conciente y educa di e malesa aki y uni den e lucha contra dje. E aña aki, un biaha mas, ta conta cu e apoyo di e pueblo di Aruba pa hasi e campaña mas grandi ainda y asina logra hopi mas.

SAVE LIDS TO SAVE LIVES | CADA TAPITA TA CONTA

E dinamica di e campaña ta masha simpel, pa cada cup di Yoplait 6oz cu bo cumpra desde 19 di September te cu 3 di November, Yoplait y Frasa lo hasi un donacion di AWG 0.15 ($0.09) na Mary Joan Foundation, ora bo deposita bo tapanan den e dropbox di Yoplait na supermercado participante of na oficina di Frasa.

YOPLAIT PINK WALK & BIKE TOUR | November 3, 2013
Pa clausura e campaña lo organisa un biaha mas e tan spera, Yoplait Pink Walk di 5km cu e aña aki tambe lo conta cu un Bike tour di 13km coordina pa Tribal Cycling Club. Tambe lo tin zumba, hopi premio y DJ pa trece ambiente

Registracion ta solamente AWG 5,- y por hasi esaki na;

·         Oficina di Mary Joan Foundation | 5889999

·         IBISA Orajestad of IBISA San Nicolas | 5824987

·         Drop ‘N Nuts | Dakota | 583-8213

·         Runners Aruba | 583 9966

·         Frasa International Trading

PLEDGE YOUR PART

E aña aki e lema internacional di e campaña ta “PLEDGE YOUR PART” esaki kiermen cu nos ta pidi cada individuo pa duna nan compromiso na e causa di concientisacion di Cancer di Pecho. Pa compromete nan mes personalmente pa ta parti di e lucha contra cancer di pecho. Pa yuda den tur loke nan por, sea ta colectando bo lidsnan di yoplait, caminando e Yoplait pink walk of cualkier otro evento cu ta trece atention na loke ta cancer di pecho. Educando bo famia over di cancer, cuidando bo curpa y bo salud y hasiendo checkeo regularmente. Tur esakinan ta manera con abo tambe por aporta y mustra bo compromiso. Hunto nos por hasi un diferencia!