Djadumingu 7 di aprel, e anochi final di e di dos edishon di Curaçao IFFR hurado a otorgá e promé Yellow Robin Award na e pleíkula No quiero dormir sola (She Doesn’t Want to Sleep Alone) di e sineasta mehikano Natalia Beristáin. Huntu ku e premio tin enserá un montante di $10.000 ademas di un selekshon den e edishon venidero di IFFR.

 E festival a hala e biaha akí 8500 bishitante pa The cinemas na Willemstad. Organisadó Fundashon Bon Intenshon i ko-organisator International Film Festival Rotterdam ta sumamente kontentu du e gran interes di públiko. E di tres edishon di Curaçao IFFR lo tuma lugá di dia 3 pa 6 di aprel 2014. Pa e kompetensha di Yellow Robin Award, intenshoná pa sostené sineastanan talentoso di región di Karibe i paisnan alrededor di Latino Amérika, a selekshoná sinku película dor di e partnernan regional di    Curaçao IFFR: Instituto Cubano del Arte e Industria Cinematográficos (ICAIC), Trinidad & Tobago Film Festival, Jamaica Promotions Corporation (JAMPRO), Bahamas Film & Television Commission i Morelia Film Festival of Mexico (FICM). E hurado tabata konsistí di: Rutger Wolfson (direktor di International Film Festival Rotterdam), David Pinedo (krítiko sinematográfiko i konsehero di guion) i Bernadette Heiligers (produktor di teksto i eksperto den ralashonnan públiko). E ganadó di e Yellow Robin Award No quiero dormir sola  a keda entregá n pa e festival di pelíkula akí dor di e festival di pelíkula di Morelia, kaminda e pelíkula akí a keda koroná komo e Mihó  Pelíkula. E debut di pelíkula di Natalia Beristáin ta un drama ku ta kontené soledat, rekuerdo i lasonan familiar. Bida di Amanda di den trinta aña ta kambia dramátikamente ora  ku obligadamente  e mester bai sòru pa su wela ku ta alkohóliko. Despues di un komienso duru e dos muhénan ta resultá di tin mas kos komun ku nan tabata pensa. Den e kompetensha di hóbennan Short Films, BIG Stories a skohe dos ganadó: e premio di Hurado pa e mihó pelíkula di Fikshon a bai pa La Trinitaria Marchita di Elyse Isebia i Inez Loods; e premio di Hurado pa e mihó video di muzik a bai pa AnwarBeatz feat. Gilberto di Anwar Braaf, Gilberto Morishaw i Jordan Isenia. E dos timnan ganadó a risibí un premio enfektivo di  Nafl. 1.000.  Bishitantenan di festival a indiká La Trinitaria Marchita komo ganadó di e premio di Públiko 2013. Na e premio di Públiko ta enserá un biahe pa e di 43 IFFR (22 yanüari – 2 febrüari 2014) kaminda lo presentá e pelíkula ganadó di korto metrahe. E di dos edishon di Curaçao IFFR a pone 42 pelíkula largu i kòrtiku riba pantaya den The Cinemas na Willemstad. E festival, organisá pa Fundashon Bon Intenshon den kooperashon ku International Film Festival Rotterdam, a brinda ademas di hopi pelíkula tambe seshonnan di Pregunta i Kontesta ku e Direktornan di pelíkula, un presentashon di Dennis Aalse  su Youth Orchestra, workshops riba tereno di trahamentu di pelíkula,e eksposishon: Magic Lantern i e presentashonnan pa skolnan. Pa tur informashon tokante e 2° Curaçao IFFR  mira www.curacaoiffr.com Curaçao IFFR riba YouTube: www.youtube.com/curacaoiffr Curaçao IFFR riba Facbook: www.facebook.com/CuracaoIFFR