Durante e tempu ku a pasa akí hopi organisashon komunitario i bon kousa a inskribí bunita tarea na e website nan di ARUBA DOET, BON DOET i CURA DOET. Huntu ku NLdoet nan ta forma e akshon di boluntario di mas grandi di Reino. Awor ta turno di boluntarionan pa inskribí. Dia 21 i 22 di mart di 2014 tur hende por yuda pa kumpli ku tur sorto di tarea pa diferente organisashon komunitario ku di otro forma lo a keda sin hasi. Pensa por ehèmpel riba limpia un kurá di rekreo, limpia òf planta un hardin pa un kas di ansiano, dal un keiru ku un grupo di persona ku hèndikèp òf drecha tipo di un sentro di bario. Eksperiensha ta mustra ku no sólamente tin mashá apresio pa e yudansa, sino ku tambe e boluntarionan ta gosa i pasa mashá bon durante e dianan ei Te ku dia 31 di yanüari di 2014 hopi organisashon komunitario a inskribí nan bunita tareanan, pa kua nan ta buska hende pa dun’un man dia 21 i 22 di mart. 133 tarea na Aruba, 70 na Bonaire i 133 na Kòrsou. Riba e website nan spesial www.arubadoet.com, www.bondoet.com i www.curadoet.com boluntario por inskribí pa sierto tarea spesífiko tambe. Por hasi esei komo indivíduo, komo empresa òf organisashon, komo skol, klup di deporte, grupo di amigu… Tur hende ta bonbiní pa inskribí! Bai www.arubadoet.com, www.bondoet.com òf www.curadoet.com i inskribí mesora komo boluntario.