McDonald’s cu apelacion na su clientenan

ORANJESTAD, Aruba – 24 di augustus 2016: Na McDonald’s e prioridad mas halto ta siguridad y bienestar di clientenan. Nan ta orguyoso pa sirbi clientenan rond di mundo tur dia, cu entre otro e co’i hunga nan mas sigur y di calidad halto. McDonald’s a anuncia awe cu nan ta trahando riba un yamada boluntario di e banchinan di actividad “Step-It” cu a parti den Happy Meal na Puerto Rico, Aruba, Corsou, St. Croix y Trinidad.

E yamada boluntario aki ta un prevencion cu a sigui despues di  Merca y Canada, ora nan a ricibi un rapport di cliente riba iritacion di cuero y kemaduranan dor di bisti e banchi.

McDonald’s Aruba ta pidi tur cliente cu tin e banchi di actividad aki, pa stop di bisti nan y trece nan bek na cualkier un di e tres restaurantnan McDonald’s pa asina cambia pa otro co’i hunga of un yoghurt gratis.

Tin un rapport di clientenan afecta na Merca, pero te ainda no a raporta ningun caso na otro paisnan. Asina mes McDonald’s ta haci un yamada boluntario pa entrega e banchinan bek. A fabrica aproximadamente 33 miyon armband for di Merca y Canada. Debi na e tempo limita cu e banchi nan a wordo distribui y e decision di McDonald’s pa stop distribucion na cliente dia 17 di augustus 2016, cu hopi di e armbandnan te ainda no a wordo parti.

McDonald’s kier pa su clientenan sa cu e yamada aki no tin efecto riba e otro programanan di Happy Meal y ta pidi disculpa na clientenan afecta y pa e inconveniencia cu e yamada aki por causa.