Opshonnan nobo pa ‘lunch’ i ‘dinner’:

WILLEMSTAD – Den luna di Mart último Xquisit a habri su portanan i den un tempu kòrtiku a bira un restorant hopi gustá. Xquisit, ta nifiká sabroso, dushi, ekstremadamente delisioso derivá for di e palabra ‘exquisite’ na franses. Esei ta eksaktamente e persepshon di e kliente tambe. Su esfera relahá i ‘trendy’ a gara atenshon di tur ku a bishit’é. Pa sigui surpasá ekspektativa di su klientenan Xquisit ta introdusí su 3 course menu nobo ku ta ofresé 5 opshon di almuerso i 6 opshon di sena.

Pa tur esnan ku no a bishitá Xquisit den Renaissance Mall ainda, esaki ta un oportunidat ideal. E 3 course menu ta figurá entre otro Tomato Cream, Romaine Lettuce Cannellloni, Salmon & Grouper Carpaccio, Roast Beef Sandwich, Smoked Salmon Wrap, Penne Pasta, Tenderloin, Sirloin Strip, Rib Eye i Churrasco Skirt.  Pa finalisá e eksperensia kulinario na Xquisit, purba un di e kosnan di boka dushi riba e menú di dessert; XQST Waffle, White Chocolate Peppermint Mouse, Passionfruit Tart, Chocolate Bundt Cake i Apple Strudel.  Xquisit su 3 course menu ta kosta Nafl. 45.00 / $25 pa persona. Pa tur amante di karni, tin opshon pa agregá esaki na e menú segun deseo.

No lubidá ku tur djamars Xquisit tin Happy Hour entre 6’or i 7’or ku preisnan di ‘2 for 1’ riba bebidanan selektá. Riba djarason tin ‘Ladies Night’ entre 7’or i 8’or, tur damas ta risibí un glas di biña i entre 7’or i 10’or tin músika di Dj Lu-C. Djabièrnè ta sera siman ku entretenimentu bibu di Igort Rivas entre 6:30pm i 9:30pm. E menú di Xquisit ta kambia kada 3 luna dunando tur bishitante oportunidat di disfrutá di un variashon kontinuo. Xquisit ta brinda oportunidat di tin reunionnan di trabou òf pa disfrutá di un kòpi di kòfi òf kòktel despues di trabou. Disfrutá di Xquisit, pa reservashon por yama 435- 5000.