WILLEMSTAD – Wulfsen & Wulfsen ta operando ya pa 50 aña den Karibe. Lo selebrá e logro históriko aki tantu na Aruba komo na Kòrsou di un manera espektakular. Kick-off di e kampaña sensashonal aki ku sigur lo hala atenshon a kuminsá dia 5 di novèmber. E premio prinsipal di e kampaña ta ensera gana un “Lifetime personal discount van 50% na  Wulfsen & Wulfsen”. Esaki ta nifika ku 4 kliente lo risibí 50% di deskuento durante bida largu na Wulfsen & Wulfsen.

Apertura

Sinkuenta aña pasa a realisá apertura di e promé Wulfsen & Wulfsen na Kòrsou. Esaki tabata un inisiativa di tawela di e direktor/doño aktual Michael Wulfsen. Kòrsou no tabata e promé destinashon na e banda aki di Atlántiko, sino Sürnam. E tempu ei na 1963, Wulfsen & Wulfsen a habri su portanan di un manera espektakular na Wilhelminaplein 1, Willemstad, Kòrsou. Ku un konekshon direkto via radio entre Hulanda, Sürnam i Kòrsou a habri respektivamente e promé establesementu nobo di Wulfsen & Wulfsen na Rotterdam, e promé establesimentu na Kòrsou i na mes momento pone e prome piedra pa e fábrika nobo di paña na Paramaribo, Sürnam. Despues di esei masha hopi desaroyo mas a tuma lugá.

Historia

E historia di Wulfsen & Wulfsen a kuminsá na aña 1899 na Hulanda. Den e añanan despues di guera e empresa a krese di un tienda di moda pa kabayero speshalisá den sombré, pèchi i asesorionan pa bira un empresa ku diferente filial ku hopi establesimentu na Hulanda. Pa ta ménos dependiente di e situashon ekonómiko na Hulanda, ku den añanan 50 no tabata indiká un perspektiva masha briante, a kuminsa wak posibilidatnan pa kuminsá ku establesementunan pafó di frontera di Hulanda. A logra hasi esei prome na Sürnam. Wulfsen & Wulfsen a habri su promé filial einan na 1951. Na 1963 tabatin indikashon ku Antia Hulandes tabata brinda mihó posibilidat ku Sürnam, motibu pa kua a habri un di dos filial den e region aki, ku a ser establese na Willemstad. Ku esei e inisio di operashon den Karibe a bira un echo. E establesimentu na Sürnam a sera na 1966 i na 1970 a habri un negoshi ku a yama Young Man Shop aserka i na 1971 a habri un di tres establesimentu na Antia, na e okashon aki na Aruba. E establesimentu na Aruba a muda pa e lokalidat aktual, kaya Betico Croes 52, Oranjestad. I for di medio añanan 80 ta bende moda di hende muhé. Na Willemstad a habri un di tres filial bou di e nòmber di Society Boutique ku tabata ofresé prenda pa bisti di mas luho i un segmento di preis mas haltu. Alabes pa prome biaha a kuminsá bende paña pa hende muhé. E filial aki a muda despues di Windstraat pa Madurostraat i despues pa Gomezplein. Hopi aña despues e pakus a sera pasobra e konsepto no tabata kumpli ku e esfera di e tempu ei. Entretantu Young Man Shop tambe a kuminsá bende paña pa hende muhé. Finalmente mester a ser’é pa e mesun motibu anteriormente menshoná. Entretantu a habri un establisimentu nobo na Promenade Shopping Center. E surtido tabata konsistí di moda pa tantu hende muhé komo hende hòmber. Na aña 2000 e empresa a muda pa un unidat mas grandi den e winkelcentrum. Pa motibu di benta di e edifisio kaminda Wulfsen & Wulfsen tabata ubiká na Wilhelminaplein den Punda, e empresa mester a sali for di e lokalidat aki na 2008 despues di 45 aña. A haña un lokalidat nobo, un konosi!  E adrès nobo a bira Gomezplein 7, den Punda. A habri Wulfsen Free & Easy, un pakus nobo den e área desaroyá na Jan Thiel. Dor di e karakter turístiko di e área e surtido ta dirigí riba paña kasual pa hende hòmber. E konsepto ta yòn i trendy. Na 2012, Wulfsen & Wulfsen Punda a ser kambia pa un di dos establesimentu den Promenade Shopping Center. Di e manera aki Wulfsen & Wulfsen ta konsentrá e parti mas grandi di su aktividatnan na Promenade. Ku mas di 400 M2 di espasio di tienda na un lokalidat, Wulfsen & Wulfsen ta profilá su mes komo e speshalista di moda na Kòrsou.  E di dos tienda (nobo) ta dirigi kompletamente riba hende hòmber, miéntras ku a remodelá e pakus eksistente komo e pakus nobo pa hende muhé.

Fashion:

For di prinsipio Wulfsen & Wulfsen a konsentrá riba benta di Moda Europeo. Sigur den e prome añanan esaki tabata hasi falta den Karibe i p’esei e empresa a speshalisá den esaki. Ku globalisashon nan no ta e úniko mas, pero Wulfsen & Wulfsen semper a mantené su mes na su konsepto. Kalidat di markanan di moda Europeo. Den komienso solamente moda pa hende hòmber i den añanan 80 a añadí moda pa hende muhé tambe na e surtido. Desde e mudansa a bira obvio ku loke nos ta ofresé tin un estilo mas yòn. E kolekshon ta mas trendy, pero semper ku estilo i di bon kalidat. Presis meskos ku e pakusnan ta reflega. “Wulfsen ta 50 aña yòn!”, segun Michael Wulfsen. “Durante di e último añanan nos a pasa den kambionan grandi i nos ta kompletamente kla prepará pa futuro. Aruba tambe lo sigui pronto. Einan nos a keda warda e trabounan di konstrukshon den e kaya i pronto nos lo realisá e kambio na Aruba tambe. Wulfsen & Wulfsen den e último 50 añanan a sa di marka pouta den Karibe i esei naturalmente ta loke nos ke pa e próksimo 50 añanan!”

Selebrashon espektakular

“Ta pa e motibu aki nos ta bini ku un kampana fantástiko pa selebrá nos 50 aña di eksistensia,”segun e empresario. Wulfsen & Wulfsen ta start ku un kampana úniko sigur. Tur hende tin chèns pa partisipá e luna próksimo na e rifa sensashonal i úniko. Tantu na Aruba komo na Kòrsou un dama i un kabayero tin chèns di gana un “deskuento personal di 50% na Wulfsen & Wulfsen pa bida largu”. Pues en total tin 4 chèns pa gana e premionan espektakular aki. Pa e kondishonnan Sr. Wulfsen ta referí na e termino- i kondishonnan ku lo sali den e diferente medionan di komunikashon i naturalmente tambe den su pakusnan. E kampaña ta dura presis un luna, di 5 di novèmber pa 5 di desèmber próksimo. Djabièrnè 6 di desèmber lo saka e ganadónan. I en bèrdat ….. ken lo no ke gana esaki? Un deskuento pa bida largu na Wulfsen & Wulfsen!