Willemstad – Curaçao Footprint Foundation pa di kuater biaha lo organisá e workshop Fotografia di Naturalesa na Kòrsou ku ta kuminsá djarason 25 di mart próksimo. E workshop aki ta spesial pa tur amante di naturalesa ku gusta saka portrèt ku diferente tipo di kamara digital i ku ta buska e mihó tepnan pa saka e portrèt di naturalesa di mas bunita. E workshop ta konsistí di 3 lès di teoria i 3 ekskurshon den diferente área di naturalesa riba nos isla. Durante ekskurshon lo train fotografia den naturalesa durante diferente orario di dia i tambe lo pone énfasis riba vários tema i e ‘tips & tricks’ pa kada unu. E workshop ta kuminsá djarason 25 di mart 18.30 or te ku 21.00 or. E otro fechanan di e kurso ta djasabra 28 di mart, djarason 1 di aprel, djasabra 4 di aprel, djasabra 11 di aprel i djarason 15 di aprel. Lo trata e sigiente tema:

• Photo equipment (di kamara kompakto te ku kamara digital kompleho;
• Estétika di un portrèt di naturalesa
• Téknika Macro
• Fotografia di naturalesa étiko
• Feedback i reflekshon ku yudansa di e otro kursistanan

Gastu pa partisipá ta Nafl.310 pa persona ku ta inkluí ob, material i tambe konsumo. Kursista tin ku bin ku nan mes kamara, kreatividat i tambe pasenshi. Pa mas informashon i tambe inskripshon por mail info@curassavica.com. E grupo lo keda chikitu!