WILLEMSTAD –   WIMCO ya pa hopi aña tin su propio programa di finansiamentu yamá FlexiPay kaminda kliente por hasi kompra na WIMCO i hasi pago den término mas flèksibel. Pa ekstendé e servisio di pago flèksibel aki, WIMCO ta introdusí su propio tarheta di krédito FlexiCard en kolaborashon ku Maduro & Curiel’s Bank N.V.

E tarheta di krédito WIMCO FlexiCard ta un tarheta di krédito asina yamá ‘private label’ (marka privá) loke ta nifiká ku e por wòrdu usá solamente na e establesimentu di WIMCO.

Banda di ta brinda e doño di e tarheta forsa di kompra adishonal na WIMCO e doño di e tarheta ta risibí tambe 2 biaha Fun Miles na momento ku e hasi un pago ku e tarheta. Pa kada NAf. 3,- di kompra pagando ku WIMCO FlexiCard doño di tarheta ta risibí 1 Fun Miles outomátikamente riba su kuenta fin di luna. E Fun Miles nan aki ta banda di e Fun Miles ku WIMCO ta dunando komo Fun Miles partner kaba.

Doñonan di tarheta WIMCO FlexiCard ta disfrutá di hopi mas benefisio manera entre otro: preis mas abou den tienda garantisá, no tin gastu di miembresia,  ofertanan eksklusivo pa doñonan di tarheta WIMCO FlexiCard i tambe fleksibilidat di pago fin di luna.

Bo Banko Amigu, den su selebrashon di 100 aña di eksistensia, ta invitá bo pa pasa na WIMCO den Saliña riba 15, 16 i 17 di Sèptèmber kaminda lo tin personal di WIMCO i di MCB pa duna informashon i yuda yena aplikashon pa WIMCO FlexiCard. Riba Djasabra 17 di Sèptèmber Fun Miles tambe lo djòin MCB den WIMCO i lo tin diferente wega kaminda bo por gana hopi Fun Miles.

Un bes mas Bo Banko Amigu ta demostrá di ta é Banko ku ta enkurashá desaroyo di empresanan lokal.