WILLEMSTAD – Òktober – Resientemente Renaissance Curaçao Resort a keda menshoná komo e mihó opshon pa fakansi na Kòrsou ora ta trata di gruponan di amiga. Loke ta keda konsiderá komo un ‘all girlfriend get-a-way’. E websáit dediká na biahe, USA Today Travel Experience Caribbean a duna Kòrsou un kobertura durante di nan último sondeo. Periodista Melanie Reffes konosí pa ta biaha rònt mundu i asina konosé destinashonnan tropikal den Caribe a duna un rekuento di tur loke ku den grupo di amiga(o) por hasi den e área di Renaissance Resort, Casino i Rif Fort. A suprayá e diferente opshonnan di relahamentu e.o e Bapor Beauty Spa, Infinity Beach i e oportunidat di rekreashon i hasi kompra den establesimentunan ku ta di primera kalidat, ta infinito. Pa luna e websáit di USA Today ta konta ku un total di 23.075,090 bishitante. E websáit ta konosí pa brinda su lektor kobertura editorial di notisianan nashonal i internashonal di biahe, finansa, deporte, bida, teknologia i klima. Tantu Renaissance Curaçao Resort komo Bapor Beauty Spa a figurá den e artíkulo digital  ku a amplia riba e destinashon perfekto pa bishitá den Caribe ku bo pareha. E kobertura ku Renaissance Curaçao Resort risibí ta resultado di Ofisina di Turismo Kòrsou (CTB) su bishitanan kordiná pa medionan di komunikashon internashonal.  Asina por menshoná ku CTB ta esun ku a fasilitá Melanie Reffes ku informashon i imágennan pa inkluí den e artíkulo. Esnan ku ta deseá di lesa e artíkulo aki por bishita e website di USA Today:  http://www.usatoday.com/experience/caribbean/best-of-caribbean/great-girlfriend-getaways-to-the-caribbean/16294683/