Mihó opshon pa ‘family vacation’ na Kòrsou

WILLEMSTAD- Yüli – 2015- Resientemente Curaçao Marriott Beach Resort a keda rekonosé kome e mihó opshon di vakashon pa famia na Kòrsou. E rekonosementu aki a keda duná dor di TripAdvisor.com su websáit di biahe pa famia ‘Family Vacation Critic’ ku ta figurá hotèlnan ku a wòrdu di tèst i aprobá pa akomodashon di famia rònt mundu.

Curaçao Marriott Beach Resort a risibí e rekonosementu aki danki na kualifikashon di 4+ serka redakshon di e websáit kombiná ku 75% di reseña risibí serka famianan ku a duna nan rekomendashon. E puntuashon tabata sufisiente pa duna e hotèl un rekonosementu komo ‘Family Critic Favorite 2015’. E websáit a pone atenshon spesial riba Curaçao Marriott su opshon di bufèt pa mucha (nutrishon di mucha ta di gran importansia pa mayornan) meskos tambe e opshon di kambernan konektá i área spesial pa muchanan por rekreá. Ademas di esaki e websáit ta duna sugerensianan pa e siguiente destinashon di biahe den famia, e mihó ofertanan pa biahe den famia i ta duna konseho na mayornan ku ta biaha ku muchanan di tur edat. Miembronan di e websáit por hasi pregunta tokante destinashon òf kualkier otro aspekto di biahe den e popular forem di biahe pa famia, kompartí ideanan, teps i eksperensia di destinashonnan i hotèlnan ku nan a bishitá.

Curaçao Marriott Beach Resort ta sumamente orguyoso di por a risibí e rekonosementu di ‘Family Critic Favorite 2015’. Ta gradisí staf i personal di e hotèl ku tur dia di nobo ta traha duru pa alkansá ekselensia.