Pabien: Un Galaxy Note 2 i un luna di data grátis!

WILLEMSTAD-JÜLI: Un otro ganador di e popular wega ‘Text 2 Win’ di Digicel a bira konosí. E biaha aki tabata Wassef Sokkari Peña ku a gana durante di e popular wega; su suerte tabata dòbel ya ku e ta ganador di un otro promoshon di SMS tambe. Komo ganador di e ‘Text 2 Win’ pa luna di Yüni e ta risibí un Galaxy Note 2 komo premio; Wassef a gana su premio dor di a kolektá e puntonan máksimo den e wega ‘Amazing Race’ kada bes ku e manda un SMS na 7171. Pa e otro promoshon di SMS na unda e’la finalisá na promé lugar, Wassef a gana un ‘dongel’ inkluyendo 1 luna di data grátis. Tur luna Digicel ta duna su klientenan chèns di ta interaktivo i di gana premionan hopi atraktivo den e wega ‘Text 2 Win’. Resientemente Wassef Sokkari Peña a bishitá Digicel Megastore na Biesheuvel pa risibí su premio, Digicel ta felisitá e ganador di luna di Yüni i ta invitá tur kliente pa keda purba nan suèrte den e popular ‘Text 2 Win’, tur luna tin weganan interaktivo i premionan realmente fabuloso pa gana! Den e kaso di Wassef Sokkari Peña, dòbel pabien! Riba fotonan athuntu por haña un impreshon na momentu ku e ganador a risibí su premio serka relashonista públiko di Digicel, Srta. Thessa Fleming.