Dia 31 di òktober 2015 Wabi Club Curaçao (klup di outonan klásiko) ta bai kumpli 50 aña di eksistensia. Pa nos selebrá e anniversario aki Wabi Club lo tin un gran “Car & Bike Show” djasabra 31 di òkt. riba luga di parker na Sambil kaminda nos a invitá diferente otro klupnan/organisashon di outo i motorcycle di Kòrsou. Tambe lo tin presente nos invitadonan internashonal di klupnan di outonan klásiko di Aruba i Boneiru ku ta bin selebrá huntu ku nos. E show ta kuminsa 4’or di atardi i ta terminá 9’or di anochi i entrada lo ta kompletamente gratis pa un i tur. Lo tin músika variá di DJ Styvy “PengPeng” Zimmerman i grupo Kòmpèr ku un show di baile folklore. E dia aki lo tin posibilidat di kumpra nos bunita kalender ku Wabinan di Korsou. Esaki ta un parti di nos fundraising pa hasi e selebrashon aki posibel. Nos ta spera di wak bosnan tur djasabra awor huntu ku bosnan famia i bin atmirá i apoya nos Wabi Club na Sambil. Pa mas informashon por yama 529-WABI(9224) òf email: wabiclubcuracao@gmail.com