A habri votashon pa Condé Nast Traveler’s Readers’ Choice Awards 2017

WILLEMSTAD- 9 di mei 2017 – Bon notisia! Kòrsou umbes mas a keda inkluí den e lista di votashon pa Condé Nast Traveler’s Readers’ Choice Awards pa 2017. Por vota for di awe! Condé Nast Traveler’s ta un di e publikashonnan lider den kategoria di biahe ku un oudiensia total di mas ku 3 mion lektor. E Readers’ Choice Awards, e aña aki pa di 30 aña konsekutivo ta rekonosé ekselensia den industria di biahe i ta konosí komo ‘e mihó di e mihónan den mundu biahero’. Aña pasá, mas di 300.000 lektor rònt mundu a vota pa e mihó hotèlnan, siudatnan, restorantnan, aerolineanan i mas.

Ofisina di Turismo di Kòrsou (CTB) ta kontinuá ku su esfuersonan pa merkadeá nos pais i por mira ku nos esfuersonan ta dunando fruta ya ku Kòrsou ta inkluí den e kategoria ‘best island’, Willemstad ta inkluí den kategoria di ‘best cities’ i nos merkado flotante ta inkluí den kategoria di ‘best restaurants’. Ademas, 13 hotèl na Kòrsou a keda nominá den kategoria di ‘best hotels/resorts’.

Nos ta enkurashá nos komunidat pa kompartí e link riba kual por vota ku tur hende i vota pa Kòrsou. E link ta: https://www.cntraveler.com/rca/vote  Tene kuenta ku pa vota mester klik riba e diferente kategorianan i ingresá nòmber di Kòrsou. Por vota te ku 1 di yüli 2017. Resultadonan lo keda publiká den luna di novèmber próksimo den e publikashon anual di Conde Nast Traveler’s Readers’ Choice Awards i riba cntraveler.com.