…Oportunidat pa vota pa e mihó Vlogger video…
Partisipá, i laga mundu mira kon Dushi Hende nos ta!

WILLEMSTAD- 30 di ougùstùs 2013 – Manera ya tur hende sá, resientemente Kòrsou a risibí bishita di diferente ‘vloggers’ internashonal kompañá pa e popular Gnome di Travelocity. E terminologia ‘vloggers’ ta keda derivá for di video-bloggers. Durante di nan estadia nan a video-blog nan eksperensia na Kòrsou. Manera ku tabata di spera e atenshon pa e imágennan di Kòrsou tabata inmenso; awor nos komunidat i Mundo por vota pa e video ku mas nan ta gusta. Pa partisipá ta fásil, bo tin ku ‘like’ i ‘share’ e página ku bo konosínan tantu lokal komo den eksterior. Di akuerdo ku CTB, “E poder di propaganda di boka-pa-boka ta di sumo importansia , awor ku medionan di komunikashon sosial esaki a bira mas fásil i aun mas poderoso. Un video di Kòrsou por bira viral riba Internèt i kapta atenshon di miónes di hende rònt mundu, esei ta e meta tambe”. Tur hende ku ke partisipá, por bai riba e página di Facebook di Santa Barbara Beach & Golf Resort Curaçao – CinemaSB òf sigui e ‘link’  http://a.pgtb.me/4b7LZs. E promoshon lo ta vigente pa 2 siman i lo finalisá dia 9 di sèptèmber próksimo. E propio vloggersnan lo propaganda Kòrsou i e promoshon via di nan medio ku e ‘hashtag’ #cinecuracao. Tur esnan ku vota, tin chèns di gana un estadia di 3 anochi na Santa Barbara Beach & Golf Resort Curaçao; ‘Like’ e página pa bo por vota uzando e ‘link’ ariba menshoná òf dor di ‘click’ e logo di Cinema Santa Barbara riba e página di Facebook di Santa Barbara Beach & Golf Resort Curaçao.

Partisipá, i laga mundu mira kon Dushi Hende nos ta!