Willemstad 5 novèmber 2015 – Atrobe 4 hungadó di Curaçao Soccer Academy ta bai kore stage den eksterior. Djasabra 7 di novèmber 4 talento di Curaçao Soccer Academy, lo sali pa Hulanda kaminda durante di 2 siman, nan lo train ku hóbennan di nan edat di FC Utrecht. E biaha aki ta Ronathan Willems (2000),  ku anteriormente ya ta invitá pa FC Twente i Jonathan Libania (2001), ku den aprel ya a laga un bon impreshon atras serka FC Utrecht. Pa tantu Sharrion Pietersz (2001) i Sidney Kastaneer (2003), lo ta pa promé biaha ku nan ta sera konosí ku un ekipo di futbòl pagá na Ulanda. Laura Meeder lo kompañá e muchanan aki komo nan coach mental, i Hans van Elden, komo direktor di Curaçao Soccer Academy.