Willemstad Curaçao, VivaKids RecycleBand ta organisá dia 27 April próksimo un tremendo FundRaising Event titulá: “WorkShop Recycle Instrument”. Einan e muchanan di e banda úniko aki “VivaKids RecycleBand” ku ta toka riba instrumèntnan trahá for di materialnan resiklá lo krea fondonan pa asina nan por sigi ku nan proyektonan di Arte & Músika.

E proyekto aki “VivaDjasabra” ta tuma lugá tur Djásabra grátis pa e grupito di 10 mucha ku ta forma parti di e proyekto piloto aki duná dor di nos Recycle Artist Omar Sling. E evento “WorkShop Recycle Instrument” lo tuma lugá na Buurtcentrum Santa Maria. Entrada ta kompletamente grátis. E evento ta kuminsá for di 11:00 am te ku 7:00 pm. 
Lo tin weganan trahá for di materialnan resiklá masha leuk mes i úniko kaminda muchanan por entretené nan mes i hunga i pasa un ratu plasentero huntu ku VivaKids. Tambe ta bai tin e oportunidat pa otro muchanan entre 4-14 aña por partisipá den un tremendo Workshop básiko pa siña traha nan propio instrumènt for di material resiklá. Esaki lo wòrdu duná dor di e muchanan mes di e banda “VivaKids RecycleBand” ku yudansa di Omar Sling Recycle Artist. Workshop lo kuminsá 3:00 pm. Animashon músikal lo ta den man di VivaKids Recycle Band i Dj MC. 

VivaKids ta invitá pueblo di Kòrsou pa bin sostené nan FundRaising Event i sera konosí ku nan Arte & Musiká. Pa mas info tokante e workshop mail nan na: vivakidsrecycleband@gmail.com. No lubidá di chèk nan pagina sosialnan: FB i Instagram “VivaKids RecycleBand”.. No lubidá di chèk nos video clip “VivaDjasabra” : https://youtu.be/n8r6xhd-d-w