WILLEMSTAD, Kòrsou:  Manera ku a kuminsá sirkulá for di djarason último, fechanan pa e próksimo edishon di Viva La Música Latina 2016 ya kaba a keda fihá. E promé edishon a tuma lugar den luna di Mei último inkluyendo presentashonnan memorabel di Olga Tañon, Gilberto Santa Rosa, Jorge Celedón i muchu mas. Manera ku esei a tèrminá ya kaba a kuminsá aserká artistanan pa e próksimo ‘Viva’ den 2016.  Miéntras ku e lunanan a transkurí, a sinta ku diferente partner pa traha un ‘draaiboek’ definitivo na unda ku a establesé standartenan pa e festival ku den luna di Mei último a demostrá derecho di eksistensia. Di akuerdo ku Steve Hudson di Showbizz International, e promé edishon no a bai sin desafio, a siña hopi i riba tur kos a skucha loke e públiko ta deseá. A hasi algun kambio ku sigur lo kai na agrado di tur hende. Nos ta un edishon mas sabio i esaki mes ta hasi ku nos ta mas mihó prepará. Kòrsou a demostrá ku tin un espasio den e kalendario di evento pa Viva La Música Latina, pues den 2016 nos tey atrobe!” Fechanan konfirmá pa Viva La Música Latina 2016, ta dianan 3 i 4 di yüni próksimo- djabièrnè i djasabra. Próksimamente lo anunsiá e promé 3 artistanan ku lo presentá den e festival na yüni 2016.