Djabierne awor 7 di februari lo ta e gran dia ku mayoria hende ta warda kaminda e parkerplaats di SVB lo wordu transforma den un arena di ambiente. E aña aki e 2 gruponan di karnaval Viva i A Lo Loco a djoin SVB pa huntu organisa e jumpin ku pa años kaba ta  kibra tur rekort.

E aña aki tin un “line-up’ rekort di bandanan lokal ku lo bai trese e ambiente manera kustrumbra di e jump-in. E bandanan ku lo presenta djabierne anochi lo ta: Icons, GIo, ERA, One Flavaz, Highway Band, Excellence I Dj Argenis Huerta. Naturalmente nos Rey di Tumba lo tey huntu ku algun gueststars.

Tin un sekshon limita di VIP pa solamente 145 florin inkluyendo premium bar i algu di kome. Pa bo por ta un VIP bo por tuma kontakto ku e sigiuente numbernan: 434-4252 / 523-3433

E jump-in aki ta “all you can drink” pues kos di bebe pa no kaba, anto tur esaki pa solamente 75 florin inkluyendo un T-shirt. E aña aki a huza diferente kolo di shirt pa bo por skohe aden entre otro hel, blou, ros i oraño.

Pa e bishitantenan ku ta desea a soru pa pone stadion di Rif disponibel pa parker kontra pago di 5 florin pa outo.

Si ainda bo no tin karchi, bo por tuma kontakto ku miembronan di e gruponan di karnaval Viva I A Lo Loco.  Un kos ta sigur, pa djabierne lo no tin mas karchi. 

For di awor no ke desea pueblo di Korsou un Felis Karnaval !!!!