Willemstad – Tur siklista ta en espera di e kareda ku ya a bira klásiko tur dezèmber: Xtreme Duo Mountainbike. Esaki lo tuma lugá dia 7 di dezèmber próksimo i Girobank, komprometé ku deporte ta sostené Vista Bike den organisashon di kareda aki. Den e deporte di siklismo, mountain bike ta un klasifikashon mashá gustá, pa e echo ku e ta un manera super aventurero di praktiká siklismo. E siklista ta pasa diferente tipo di tereno, ku normalmente ta difísil pa traversá. Den kaso di Xtreme Duo Mountainbike, dos persona ta kompetí huntu: nan mester Sali, kore i yega final huntu.

E ana aki 2014 lo tin 2 ruta esun largu 80km i un mas kòrtiku 50km pa e hóben i tambe esnan ku ke partisipá den un aventura . E ruta ta kuminsá na Blue Bay i ta pasa , Boka Sami, dor di Mal Pais, patras di Bullenbaai, dor di e saliña di Jan Kok, bai Rif Mari, pasa e kaminda di kabritu di Porto Mari, via Barber ,Patrick pasa via di San Pedro subi e vlakte di Hato pa despues regresá bèk pasa Juliana Dorp bai termia na Blue Bay. E ruta kortiku na e salida for di Porto Mari ta bai man drechi direkshon di Fontijn bai baha na San Pedro (vlakte pa Hato) e ruta promé ta práktikamente mesun kos ku esun largu. Aña pasá Xtreme a konta ku mas di 200 partisipante di Kòrsou, Aruba, Boneiru i Sürnam. E premio prinsipal ta un trofeo i un premio efektivo pa e promé 5 pareha finalistanan. Vista Bike, organisadó di e evento i Girobank komo patrosinadó prinsipal, ta ekstendé un invitashon na pueblo en general i amantenan di siklismo en partikular pa asistí na e evento deportivo aki i sinti e ambiente eksitante ku ta reina semper. Pa mas informashon por tuma kontakto ku Vista Bike na 465 95 77 òf por konsultá www.vista-bike.com Girobank lo sigui ta komprometé ku deporte den 2014.