Manera ya a bira un kustumber, di un forma kreativo i dinámiko Vise Vèrsa a estrená nan trahe “Chakris Dinasty- The Empire of Bangkok” pa loke ta trata Karnaval 2023.

Akompañá pa e agrupashon musikál Gentz, Vise Vèrsa a pèrmití e públiko grandi ku a asistí na e selebrashon di dia di Pais Kòrsou riba Wilhelminaplein, disfrutá di un tremendo show karnavalesko.

Durante di e estreno di trahe, e públiko presente por a disfrutá di e 2 sekshonnan ku Vise Vèrsa tin tur aña di nobo; esta e sekshon general i e sekshon limitá.

E revelashon di trahe aki, sigur a laga e públiko sumamente impreshoná i ansioso pa mira e totalidat den kayanan di Kòrsou durante Karnaval 2023.
Pa mas informashon i/òf inskripshon por tuma kontakto ku Vise Vèrsa riba number di telefon 5296060 i por sigui e pagina di Facebook: Vise Vèrsa Curaçao i e pagina di Instagram: @viseversa_curacao