Participantenan di Good4theNeighborhood 2015 a presenta nan proyecto na hurado

ORANJESTAD, Aruba – 6 di november 2015: Despues di dos luna di trabao duro, e teamnan di e nuebe scolnan secundario participando na e proyecto Good4theNeighborhood 2015, organisa pa Aruba Bank, a presenta nan proyectonan na e huradonan diamars atardi. Cada scol a haya cinco minuut pa presenta nan videonan. E miembronan di e jurado a keda hopi impresiona cu e proyectonan fabuloso y e produccionnan audiovisual bon pensa y coordina. Ta un placer semper pa Aruba Bank pa mira hobennan entusiasma cu Good4theNeighborhood y e nivel halto di e proyectonan creativo cu un caracter positivo. E scol ganado lo ricibi 10,000 mil florin como premio. Aruba Bank ta gradici e hobennan, nan teamnan y e scolnan pa nan esfuersonan na interes di nos comunidad. Cu hopi orguyo Aruba Bank ta invita comunidad henter pa bay bishita e pagina di Facebook di Aruba Bank na, https://www.facebook.com/Arubabank  pa wak e videonan di e scolnan participante. (Bai den Videos – Playlist, y scohe e playlist G4N2015, Disfruta di tur 9 video y Like y Share bo video preferi.)

Marca bo calender y reserva bo anochi pa e evento final, cu lo ta ariba dia 20 di november 2015, na Paseo Herencia, unda cu Aruba Bank lo anuncia e ganadornan di Good4theNeighborhood 2015. Masha pabien na e teamnan participante cu nan tremendo proyectonan inspira riba e tema The Movie Project: “Become a Savings Star”. Scolnan participante ta: Mon Plaisir College MAVO, Ibero American High School, Colegio Arubano, Colegio San Nicolas, Colegio San Antonio MAVO, Middag MAVO, Maria College MAVO, International School of Aruba, y Scol Practico pa Ofishi Santa Cruz. Tur a haci un trabao excelente!