WILLEMSTAD – Atraves di Bancwire Platform di BSI Group Vidanova Bank por ehekutá transakshonnan na USD atrobe.

BSI Group ta un payment solution provider ku amplio eksperensia den prosesamentu di pagonan pa kompania grandi i chikitu. Kolaborando ku BSI Group, klientenan di Vidanova Bank por manda transakshonnan na USD pa nan kuenta na e banko, hasiendo uso di un ‘correspondent bank’ ku un kódigo di Swift. Pagonan na USD den eksterior tambe ta posibel atrobe.

Pronto lo manda detaye pa tur kliente di e banko kon pa transferí dòler Merikano pa Vidanova Bank, i lo pone nan tambe riba e website segun kustumber. Atraves di e sekshon di customer support tambe klientenan por pidi mas informashon.