Hotel Victoria Aruba, konstruí na 1970 pa un tata i su dos yunan, awe te ainda ta e perla den sentro di siudat di Aruba.

Den e último 50 añanan e hotel den Caya Betico Croes a haña diferente “facelift”, pero e renobashon mas grandi i ku a kambia e konsepto di e hotel i pone e hotel bira unu modèrnu ku un “business look & feel” ta e renobashon di 2020/2021, eksaktamente 50 aña despues ku propietario sr. Fanfa Croes i su dos yunan a kaba ku e konstrukshon di Victoria Hotel.

Tur 30 kamber a wòrdu kompletamente renobá i asta a konstruí un “luxury business suite” pa e huéspet ku mester di mas luho i espasio. Awor e hotèl tin su propio “on-site” restorant “Las Palmas” ku ta ofresé desayuno, almuerso i sena, 7 dia pa siman. E menu ta amplio i ta konsistí di kumindanan internashonal. E bar ta ofresé diferente bibida alkohóliko i no-alkohóliko.

Riba promé piso tin un mini spa full ekipá ku ta wòrdu manehá pa terapistanan renombrá. Lokual ku tambe ta hasi e hotel speshal ta e “complementary coffee corner” kaminda huéspetnan por pasa “grab a coffee” durante hinter e dia i disfrutá di esaki riba e “open-air” tèras ku tin diferente áreanan di lounge.

Huéspetnan di Victoria lo eksperensiá kamanan di kalidat haltu, HD flat-screen TV i WiFi hinter e hotèl i su kambernan.

Durante a renobashon a bin e idea pa hasi un adaptashon chikitu na e nòmber i hasi esaki “Victoria City Hotel”, ya komo ku e hotel ta den e sentro di siudat di Aruba. E ta keda na solamente 7 minut kanando pa bai beach, botica, les di salsa, restorantnan, merkado di fruta i pa shop.

Un trend ku por mira mundialmente den e último dékada ta ku e biahero komersial ku ta bishitá un pais pa 2 of 3 dia pa hasi negoshi ta buska un hotel ku ta den sentro di siudat kaminda tin tur fasilidat; ta opvio ku Victoria City Hotel awor por ofresé tur esakinan. Pa residentenan di Kòrsou i Boneiru tin tarifanan spesial ku ta kuminsá for di US$ 68.00 pa anochi.