ESO – Evento | Show | Otro

Vernon Chatlein’s “INNER SILENCE”

E CD nobis nobis di e hoben perkushonista Yu’I Kòrsou Vernon Chatlein, ta kla!

“Vernon Chatlein’s INNER SILENCE” ta titulo di e bunita produkshon aki, ku ta riba merkado di Hulanda, Curaçao i na San Francisco, California. E produkshon INNER SILENCE ta konsisti di ocho (8) komposishon ku hopi profundidat, alabes plasentero i interesante p’e skuchadó. Tur ta obranan musikal original di Vernon mes (5) Rudolfs Maçats (2), i Matiss Cudars i Toms Rudzinskis.  Un di e temanan Vernon a komponé huntu ku su maestro di muzik i amigu Randal Corsen. Den e temanan e karakter di kada komponista ta bin bon dilanti. Ritmonan ku ta un poko tribí, sin virtuosidat di mas i e tononan eksakto, ku ta bin huntu kreando un harmonia bunita, kaminda kada un di e musikonan ta demonstrando  kalidati i bon dominio di nan instrument. Ku su album Inner Silence, Vernon Chatlein ta demonstra su diversidat musikal i influensha artistiko. Un ehempel ta e numero “A Goddess Scorn” den kual Vernon ta imita melodia di bas, pero diripente bo ta tende un gritu, ku ta laga bo pensariba bandanan Rock manera Creed i Metallica.

Pa e komposishon aki Vernon a skibi un poema ku e mes tambe ta resitá den e numero.

Vernon ChatleinUn nota interesante ta ku p’e album aki, ku e mes a produsi kompletamente, el a invita un di su heroenan musikal ku mientras tantu a bira su bon amigo: Maestro pianista Randal Corsen.

Aki Vernon ta bai bèk su “roots” i ta skibi e piesa “Departure”, un tambú. Randal Corsen naturalmente ta un di e musikonan prominente di Korsou ku ta promové Jazz Kurasoleño/Caribense; ken mihó kun’e konosé e ritmo kompliká di 12/8?

 

Album:                    Inner Silence

                Titulo :                                     Kompositor :                          

  1. INNER SILENCE                       V. Chatlein
  2. WANDERING                          V. Chatlein
  3. CELINIEKS                                R. Maçats
  4. SUMMER NIGHTS                  M. Cudars
  5. A GODDESS SCORN                                V. Chatlein
  6. WALZ                                      R. Maçats
  7. DEPARTURE                            V. Chatlein, R. Corsen
  8. FOCUS                                     V. Chatlein, R. Maçats, M. Cudars,                                                         T. Rudzinskis

Artist:                    Vernon Chatlein

Band:                     Vernon Chatlein’s Elements

Musicians:           Rudolfs Maçats (piano), Matiss Čudars (guitar),Toms Rudzinskis (sax), Marco Zenini (bass),Vernon Chatlein (percussion)

Guest:           Randal Corsen (piano)

 

Produced by:  Vernon Chatlein

Recorded and Mixed by: J.C. “Bulu” Viloria @ Tam Tam Studio, Baarn

Mastered by: Paul Pouwer @ Power Sound Studios, Amsterdam

Photography by Gioia de Bruijn

Album Art & Photography by JAYART MASTERS.COM

Vajcmusic +31 (0) 6 15836609 / vajcmusic@gmail.com / www.vajcmusic.nl

Genre/Categorie: Jazz, World Music

 

Lindomar