UTS ku opsekio na okashon di 100 aña MCB


Den kuadro di 100 aña MCB i tambe pa konmemorá e relashon duradero i estrecho entre UTS i MCB, resientemente UTS a opsekiá MCB un bunita obra di arte komo muestra di apresio i gratitut.

Nos di UTS no ta para solamente riba e relashon duradero ku nos tin ku MCB, pero ku henter Kòrsou di un manera òf otro tin ku MCB. Sea personalmente, komo kompania, via donashon òf sponsorship, via uso di bankomátiko òf kualke otro servisio. E forma kon MCB ta krea relashon ta kontinuamente den transishon i ta pone ku e relashon ta keda perdurá pa años òf pa semper.

E obra di arte aki, titulá ‘Trots’ (Orguyo), kual ta ilustrá e bunitesa di un para di Kòrsou, ta trahá pa e konosido artista Brigitte Wawoe. E tipo di arte aki por ser kategorisá komo “upcycling” i manera por mira, e obra ta konsistí di dos elemento ku ta forma un unidat. E dos elementonan ku ta forma e unidat ta ilustrá e relashon entre UTS i MCB, miéntras ku “upcycling” ta representá e kontinuo transishon di e dos kompanianan, esta UTS i MCB.

Un kaluroso pabien na MCB!