Willemstad, 12 di aprel 2018 ̶ UTS Business, huntu ku su partner Boolchands, a organisá un tremendo evento ‘W2: ‘Women inspiring Women’ na Limoncello by the Sea riba djarason 11 di aprel 2018. E eksitoso evento tabatin komo meta, reuní damanan di tur ramo profeshonal den un esfera ameno i diferente, pa no solamente informá nan tokante e desaroyonan i ofertanan mas nobo di UTS, pero tambe brinda e oportunidat pa kada un por inspirá otro riba diferente manera.
E evento a konta ku presensia di damanan di nos komunidat ku ta gran ehèmpel i sumamente talentoso. Entre otro tabata presente Nicole Maduro, kende resientemente a keda skohé komo e ‘Mihó TV Host’, a kondusí e anochi i tambe por a disfrutá di palabranan inspirativo di Sra. Lisa Dindial, nos èks gezaghebber, kende tabata e oradó prinsipal p’e evento aki.
Durante e anochi aki tur dama por a eksperensiá É smartphone di momentu, kual ta e Samsung S9 i S9+. E representante di Samsung, sr. Terryson Weech, tabata presente pa duna un demostrashon di e S9 / S9+ aki i splika tur e ‘feature’ nan ku esaki tin pa ofresé. Despues di esaki, tur e damanan presente por a wak, mishi i eksperensiá e smartphone aki. Mesora riba e anochi aki, UTS Business a ofresé un tremendo oferta di Chippie postpago, inkluyendo e smartphone aki.
Ademas, tur e damanan presente a risibí informashon di tur e servisionan ku UTS Business tin pa ofresé, p’asina hasi nan trabou muchu mas fásil, efisiente i práktiko dor di fasilitá nan ku e mió solushon, konekshon i komunikashon.
Finalmente tur dama por a disfrutá di un anochi inolvidabel, kargá ku energia i positivismo. Ademas e evento aki a brinda oportunidat pa por a interkambiá ku otro i konektá pa kisas por traha huntu na proyektonan den futuro.
E evento aki tabata e promé edishon di ‘Women inspiring Women’, pero lo bai tin mas di eventonan aki ku e meta pa yega na hende muhénan via di e plataforma aki i uni nan pa nan por inspirá otro ku eksperensianan di kon pa ta eksitoso den esfera profeshonal i haña e balansa nesesario entre bida personal i trabou.
Meskos ku e promé edishon aki, e siguientenan lo konta ku partisipashon di diferente damanan ku lo papia i inspirá un i tur presente. Pues, keda pendiente p’e próksimo ‘W2 event’, presentá pa UTS Business!