Fundacion CHTA ta indica cu 30 di Maart ta ultimo dia pa aplica

Oranjestad, 6 di Maart 2017 – Aruba: Studiantenan na Aruba y profesionalnan den e industria ta wordo encurasha pa aplica pa e beca di Caribbean Hotel and Tourism Association Education Foundation (CHTAEF) pa sigi na educacion den un nivel superior den e industria di Hospitalidad & Turismo.

Caribbean Hotel and Tourism Association Education Foundation (CHTAEF) a avisa cu e ultimo dia pa aplica pa e programa di beca aki ta diahuebs 30 di maart 2017. E formulario official di e beca ta obtenibel na ingles y spaño via www.chtaeducationfoundation.com of por contacta Vanessa Rasmussen na Aruba Hotel and Tourism Association, vanessa@ahata.com of yama 582-2607 pa mas informacion. E solicitud aki mester wordo presenta prome na Aruba Hotel and Tourism Association pa ta considera.

Becanan ta habri na tur Universidadnan aproba, pero limita na e universidad nan di West Indies y universidad na local den Caribe. E beneficio di e beca lo wordo informa den e stado pa aprobacion, si wordo accepta. No mas trempan cu 25 di Mei 2017.

“Nos ta encurasha tur nos studiantenan den e sector Hospitalidad & Turismo pa aplica pa e beca ofreci door di  Fundacion di educacion di CHTA”, James Hepple, Presidente y CEO di Aruba Hotel and Tourism Association, ta informa. “E industria di Turismo ta un recurso economico vital pa nos pais y e becanan aki ta representa un opportunidad pa e individonan motiva pa sigi education superior y e formacion professional independientemente di e necesidad economico”, e ta agrega.

E Caribbean Hotel and Tourism Association Education Foundation (CHTAEF) a ser estableci na 1987 como un organisacion independiente non-profit/liber di impuesto, atraves di nan becanan y assistencia special lo ta disponibel  pa educacion di personal y studiantenan buscando nan carrera den turismo den e industria hotelero den Caribe. Desde 1987 e Education Foundation ta otorgando approximadamente US $2 million den becanan na e aplicante nan cu ta demostra nan compromiso pa e industria Hospitalidad & Turismo.

Na 2016, CHTAEF a otorga US$136,308 na beca na 29 ciudadano den Caribe cu ta busca un educacion superior pa desaroyo professional den hospitalidad y turismo despues di a recibi mas di 60 applicacionan.

CHTAEF ta ofrece becanan academico, desarollo professional, docentenan di hospitalidad y turismo, experiencia di trabow y premio di stage pa Nationalidadnan di Caribe cu ta demostra un compromiso fuerte pa e industria.

Pa mas informacion, bishita www.chtaeducationfoundation.com, of yama (571) 436-4386 of manda un email na foundation@caribbeanhotelandtourism.com