Oranjestad, Un siman largo di actividad unda 30 pais rond di mundo a uni ariba nos dusi isla pa trece un solo mensahe: “Stop cu Violencia Domestico”. Cuminsando dialuna mainta cu un conferencia di prensa na Garage Centraal cual ta un di e sponsernan principal di e evento aki. Sigui pa un lunch dushi na Gasparito. Na Glitz Casino a tuma lugar untremendo welcome party unda despues e candidatanan a bai purba nan suerte ariba e rouletanan. Diamars merdia e candidatanan a hanja un tremendo lunch danki na J.H. Yees Bistro sigui pa un forum organisa pa CEDEHM unda señora Chapman a duna un lectura tocante Violencia Domestico e trabow di CEDEHM y e function di e cas pa Hende Muher den Dificultad. Anochi na Hard Rock Café e candidatanan a pasa un anochi unda nan a purba nan talent di canto. Diaranzon mainta a habri cun un bishita na parlamento unda Minister Otmar Oduber a ricibi e candidatnan. E candidata nan a sorpresa Minister cantando happy birthday. Explorando nos bunita bida maritimo Atlantis Submarine a duna e candidatanan un bisti di e bida bow awa. Un show di candela cu un cuminda delicioso, Blossoms a deleita e candidatanan cu tep panyaki ala arubian style. Diaheubs mainta Special Olympics a ripitinan show NOS POR pa e candidatanan. Undanki na Seven Seas pa hasie saki possible. Un atardi ameno cu un cuminda delicioso y cu un bista relahante ta locual e candidatanan a experiencia na Marina Pirata.  Anochi e candidatanan a sinti un tiki di locual nos Aruba tin di brinda unda nan a ser invita pa Carubbian unda e elecshon di “Best Costume” a tuma lugar. Serando e siman pasando un dushi diabierna ariba Palm Island unda e elecshon  di “Mrs Bikini” a tuma lugar. Na Sand e damanan a duna un fashion show unda Mrs Model a ser elegi y fondo a bai pa Hende Muhe den Dificultad. Un siman jena di activdad unda 30 pais lo regresa nan pais bek cu un bunita recuerdo di nos dusi isla. Pueblo henter ta keda invita pa bin presencia e final cual lo lugar diadomingo pa 7 pm den e ballroom di e prestigioso Westin Resort, cual ta e hotel cu a host e 30 paisnan aki. Tickets ta obtenible na JH Yees Bistro, Blossoms of na Garage Centraal. Entrada general ta Afl 70,-. Un danki na henter e staff di Westin Resort & Casino pa ta e hotel di e bellezanan aki.