WILLEMSTAD -Despues di algun funshonnan eksitoso lo bai tin awe un presentashon èkstra di ‘Makamba Pretu’. Un obra di teatro tokante di e bida di Antiano na Hulanda. De e obra ta aktua Archell Thompson, Anton de Bies, Jasmine Sendar, Achi Hansen i Shahaen Boezem. E direktor di esena ta Kenneth Asporaat. E grupo no tabata ke presentá mas despues ku deskonosínan a horta tur nan pertenensia. E funshon na Seru Fortuna ayera mester tabata esun delaster. “Pero net awor nos tin ku sigui i no pèrdè kurashi, esaki ta e momentu pa hiba e obra pa Brionplein”, e direktor di esena Kenneth Asporaat ta bisa. E ladronnan a bai hasta ku kos ku e grupo ta usa pa e obra. E grupo ku a bin for di Hulanda mester a regla masha lihé kos nobo pa asina e funshon por a kontinuá. E prome funshon tabata na Montaña. Despues nan a sigui den Suffisant, Soto i Seru-Fortuna. Esaki a kai na nan agrado ku nan a disidí pas hasi un presentashon èkstra na Brionplein. E obra ta kuminsa 19.30 or. Entrada ta gratis. Tur hende ta bon biní.