PwC Aruba preparando pa futuro. Nos a conbersa cu Edsel Lopez, partner di PwC Dutch Caribbean ariba e ideanan nobo cu PwC Aruba tin pa e temporada nos dilanti. Edsel Lopez a elabora un poco ariba e plannan cu PwC Aruba tin pa e temporada nos dilanti y a duna di conoce cu PwC lo sigui cu e projecto exitoso Earn Your Future. E projecto aki ta uno den cual empleadonan di PwC ta duna muchanan di 5de y 6de klas les pa concientisa nan ariba con pa traha un budget y e relevancia pa spaar. E parti bunita di e projecto aki ta cu PwC Aruba no ta siñando solamente muchanan con pa ta responsabel den e parti financiero pero e muchanan ta comparti e mensahe aki tambe cu nan mayornan y famianan. Cu e projecto aki PwC Aruba kier comparti
nan conosimento cu e comunidad y specialmente cu e muchanan.

PwC Aruba ta un compania cu ta traha cu cifras y esaki ta algo cu nan ta desea pa comparti y cu lo beneficia e muchanan den futuro. Hobenan cu a participa na e projecto aki a comenta cu nan ta masha contento cu e lesnan cu nan a haya ariba e topico aki. Edsel Lopez a finalisa bisando cu banda di e projecto Earn Your Future PwC ta den ful preparacion pa cosnan inovativo y unico pa Aruba su business community.