WILLEMSTAD –Tabata un anochi tremendo. Sara Kroos a kumpli komplatemente ku su promesa pa presentá un anochi ku hopi kos di hari, akontesimentunan di kosnan di bida di tur día hiláriko. Sara tin e kombinashon di un boka grandi i un kurason chikí. Su kuentanan sensitivo e ta manda manera bala di kañon, pero banda di esei e ta presentá su kansionnan bunita di un manera fini ku ta emoshoná, ku un músika bunita variá. Resumiendo nos por bisa ku e anochi ku Sara Kroos tabata un bunita anochi, algu inolvidabel.

Fuera di e echo ku e públiko por a gosa di e presentashon di Sara Kroos, Sara mes tambe a gosa un mundu di su promé presentashon na Kòrsou, i gosa hopi di su promé fakansi riba nos isla. E mes a deklará literalmente ku hopi entusiasmo: awor mi ta komprondé di kon na Ulanda tur hende ta bisa “je moet eens naar Curaçao gaan”. Despues di e eksitoso presentashonnan di Jürgen Raymann i Jandino Asporaat, esaki lo ta e prome obra teatral e aña aki na Hotel Avila. Pa presentá e obra nos a haña koperashon di SMS Advocaten, Coca Cola, Lovers, Heineken, CTB, Insel Air i Dolfijn FM. Un parti di e entrada lo bai komo donashon pa Fundashon Felis.