Kampaña di MCB i Digicel a hasi hopi kliente kontentu

WILLEMSTAD:- E kampaña “Top Up Via MCB i Gana” a konosé su último dos ganadornan. Sra. Eileen Carol a gana un telefon Samsung S5 dor di a simplemente rekargá via  un Bankomatiko di Maduro & Curiel’s Bank.  Sr. Lambertina a bai kas ku un Samsung Galaxy S5 – komo último premio den e eksitoso kampaña di MCB i Digicel. Durante  e 7 simannan tras di lomba, klientenan di Digicel tabatin chèns di gana premio dor di sea rekargá nan telefòn ku Pagomátiko, SMS 1111, MCB@Home/ MCB Mobile App òf na kualke Bankomátiko di MCB, ku chèns di gana sea un Samsung S5 òf un Samsung Tab 3. Ámbos, empresa ta masha kontentu ku e reakshon di nan klientenan pa  kampaña aki. “E ophetivo di e kampaña tabata pa konsientisá riba uso di ‘top-up’ elektróniko.  E servisionan digital ta fásil i kumbiniente. Ku e kampaña aki nos a konsientisá nos klientenan pa nan djòin nos den un aktitut mas ‘bèrdè’ i aportá na nos medio ambiente. Nos ta gradisí MCB komo partner den e  kampaña aki huntu ku nos”, esaki di akuerdo ku representante di Digicel, srta. Thessa Fleming.