ÚNIKO DI TEMPO UITZENDBUREAU: FUN MILES ADISHONAL NA BO SALARIO

WILLEMSTAD – E uitzendkracht Shuraisy Engelhardt ta kontentu ku e 10.000 Fun Miles ku el a gana na Tempo Curacao. Fun Miles ta e programa di spar i troka di mas grandi i Tempo e uitzendbureau di mas grandi. Huntu nan ta perkurá pa mas ‘fun’ riba e merkado di trabou.

TOKANTE TEMPO I FUN MILES

Tempo Uitzendbureau ta rekompensa nan uitzendkrachtnan ku Fun Miles adishonal na nan salario. Pa e trahadónan esaki ta un bónus atraktivo ku kua nan por hasi hopi kos. Empresanan ku ta buska trahadó via Tempo, danki na Fun Miles por tin e siguransa di haña trahadónan èkstra motivá. Ta un di e hopi formanan mas ku Tempo ta krea situashonnan ‘win-win’ riba merkado di trabou.

10.000 Fun Miles

Tur uitzendkracht ku tin un karchi di Fun Miles tin chens di gana tur kwartal e premio prinsipal di 10.000 Fun Miles. E uitzendkracht cu haña e mihor evaluacion na trabou ta haña e premio grandi aki. Interesante pasobra ku 10.000 Fun Miles bo por hasi masha hopi kos manera; bai kome afó anochi, kumpra karchi pa un òf mas evento, òf hasta kumpra un pasashi pa bo biaha. Ta di komprondé ku e ganadó  Shuraisy tabata hopi kontentu ku e premio. Shuraisy a traha 3 luna via Tempo Curacao na Fatum. Den e temporada kortiku aki ela mustra kon pa laga un bon impreshon na un kompania. No solamente Shuraisy a mustra kon bon e la traha su trabou pero tambe e tin un aktitud hopi professional. Nos ke yama Shuraisy danki pa su trabou ehemplar i nos ta desea Shuraisy hopi exito den su futuro karera.

Tokante Fun Miles

Ya pa mas ku 14 aña Fun Miles ta é programa di spar i troka di Karibe. Ku mas di 125.000 miembro Fun Miles ta fuertemente ankrá den komunidat i ta sigui ofresé mas posibilidat pa trese kosnan atraktivo mas na alkanse su miembronan. Esaki ta posibel danki na partnernan manera Tempo Uitzendbureau.