WILLEMSTAD – MEI–  Tur aña di nobo hotèlnan di Renaissance rònt mundu ta selebrá un dia riba kual ta laga e huéspet sera konosí ku tur loke e merkado ta ofresé.  Un dia spesial pa inspirá deskubrimentu, esaki dor di organisá eventonan eksklusivo riba- òf pafó di e propiedat- e aña aki ku e tema ‘Discover This Way’.   Renaissance Curaçao Resort a partisipá pa di 8 aña konsekutivo. Resientemente huéspetnan por a disfrutá di un  tour interesante ku tema ‘400 aña di sklabitut’ (Walk through the 400 years of slavery history) na Museo di Kura Hulanda, siguí pa un otro eksperensia úniko den nos sentro di siudat, ‘Blue Experience’ na unda nan a risibí un introdukshon na nos famoso likor ‘Blue Curaçao’. 

Tur aña ta sera e ‘Global Day Of Discovery’ ku un ritual di kòktel na unda ta hasi likor di Kòrsou sentral i ta krea un kòktel spesial pa kada aña. E asina yamá ‘9-to-5’ ta pa selebrá fin di e dia di deskubrimentu, kada kòktel ta un biahe riba su mes i ta krea un eksperensia lokal pa e bishitante. Huéspetnan por a disfrutá den lòbi di Renaissance Curaçao Resort di músika karibense, algun pasa boka i un presentashon di Típiko Pasa Bon.