‘Like & Share’ Okeanos riba social y GANA un pakete special!

ORANJESTAD- Mei 2019 –  Dia di Mama ta e dia riba cual nos ta expresa nos gratitud y amor. Un dia special cu mester wordo celebra na un manera extraordinario. Okeanos Spa a prepara diferente pakete di forma cu por regala mama un dia completo pa e relaha y sinti manera un berdadero reina. E ofertanan special ta valido te cu dia 31 di mei proximo.

Gana via Social Media!

Specialmente pa celebra Dia di Mama Okeanos Spa ta invita tur su siguidonan riba social media pa un promocion di ‘like & share’ cu chance di gana un pakete special. E ‘Mom & Daughter’ Manicure y Pedicure ta inclui champaña y sweet bites! Tur mama y yiu di 18 aña bay ariba por participa! Lo saca e ganador dia 31 di mei proximo.

Luci radiante; Special pa Dia di Mama

Okeanos Spa situa den Renaissance Mall a prepara varios special pa dia di mama. Disfruta di entre otro un ‘Sublime Body Scrub & Massage’ di 50 minuut cu ‘Sea Salt Scrub’ y un ‘Swedish massage’ of un ‘Full Body Bliss’ cu ta consisti di 50 minuut ‘Body wrap’, 50 minuut ‘Swedish massage’ y 50 minuut Facial. Special pa e mamanan, Okeanos Spa lo bay tin un ‘Mother’s Day Sampler’ cu ta 25 minuut ‘Body scrub’, 25 minuut ‘Swedish massage’ y 25 minuut Facial pa unicamente 175 florin. Ademas di esaki, Okeanos Spa lo ofrece un ‘Mom & Me’ pa e hoben di 18 aña bay ariba cu lo kier pasa e dia cu su mama, e pakete aki ta consisti di un ‘Swedish massage’ y un Manicure y Pedicure. E ‘Mother’s Day Facial’ di 50 minuut lo ta unicamente 99 florin pa e Dia di Mama venidero. Kisas lo bo kier regala bo mama un tratamento di Okeanos Spa pero no sa kico? Un gift certificate tambe por ta un opcion! Pa mas informacion y reservacion yama 5236176. Okeanos Spa ta habri tur dia di siman for di 8’or di manta pa 8’or di anochi. E team di Okeanos Spa ta cla pa laga mama luci espectacular!