Parada di karnaval hubenil 2020 ta kla pa ranka sali djadumingu awor 16 di di febrüari.

Un total di 770 mucha entre 7 pa 13 aña repartí entre 15 grupo lo forma parti di e parada hubenil di karnval.

Asosashon di Gruponan di Karnaval Kòrsou (AGKK) ta sumamente orguyoso di kada un di nos lidernan di grupo hubenil kende e aña aki atrobe lo sa di presentá nan grupo ku hopi kreatividat i koló.

AGKK ta invitá henter pueblo di Kòrsou pa bini djadumingu awor pa disfrutá i apoyá nos muchanan, E parada ta sali 4’0r di atardi for di Plaza Hariri na Palu Blanku. Eksito na tur nos mucha.