Dia 23 di yüni riba lugá di parker na Banco di Caribe Saliña!
WILLEMSTAD: E di dos edishon di Banco di Caribe su Car Madness lo tuma lugá djasabra awó! Tur diler di outo na Kòrsou lo ta presente djasabra awó di manera ku Abo por skohe e outo ku tantu bo ta deseá. Bishitá Banco di Caribe Saliña entre 3’or di mèrdia i 9’or di anochi i benefisiá di interes atraktivo i un fiansa bentahoso!
Tur kos riba un dia!
Bishitá Banco di Caribe djasabra awó i mira tur e outonan di mas nobo. E lugá di parker di Banco di Caribe na Saliña lo keda kombertí den un ‘showroom’ grandi. Kana den tur trankilidat, tuma nota i kompará diferente marka, modelo di outo i preis- tur esaki riba un dia i na un sitio! Banco di Caribe lo ofresébo un interes atraktivo solamente pa e dia aki. Ademas, dilernan di outo lo tin deskuentonan espektakular bálido únikamente durante di e ‘Car Madness’. Lo tin un tuk-tuk disponibel pa hibabo na e brènch parti ariba di manera ku bo por sera un fiansa mesora. Pa pone e ‘chèri’ riba e bolo, tur kliente ku apliká pa un fiansa riba e dia aki lo risibí aprobashon den DOS dia di trabou! Banda di esaki, tur kliente ku sera un fiansa pa outo riba e dia aki lo risibí un regalo èkstra di Banco di Caribe pa su outo nobo.
Muchu mas ku un show di outo:
Lo tin ‘bouncer’ i pòpkòrn pa mucha, i e popular ‘Money Machine’ den kual e kliente ku sera un fiansa ku Banco di Caribe por partisipá i gana un premio pa su outo nobo. Tambe e kliente por saka un potrèt úniko na e ‘photobooth’ di Banco di Caribe ku chèns di gana un MultiCard ku $50.
Bin prepará!
Tur ku ta deseá di kumpra un outo nobo durante di e Car Madness i ke un aprobashon mesora lo mester trese e último 2 slepnan di salario, identifikashon bálido i deklarashon di doño di trabou (no mas bieu ku dos siman). Den kaso ku e kliente no tin un kuenta di Banco di Caribe ainda, mester trese e dos último estadonan di kuenta tambe. Pa informashon general di bo fiansa pa outo òf e Banco di Caribe Car Madness por bishitá www.bancodicaribe.com òf yama Banco di Caribe na telefon 432 3200.