Dia 28 di aprel tin nan promé presentashon

Tune, un agrupashon musikal ku ya un trayektoria di 18 aña den nos farándula. Tune a sali ku un ritmo nobo i otro for di loke tabata ser toká n’e momentu ei pa otro agrupashonnan, loke a resultá un éksito mesora na momentu ku nan a pega kasi tur piesa riba nan promé produkshon ku a inkluí piesanan manera, Melissa, Banana, Esaki si ta bèrdat i varios mas.

Despues di varios kambio di entre otro nòmber, Tune ta bèk den nos farándula komo Tune Ritmo tur dia! Tune, den su forma aktual, lo ta mas bien un proyekto ku ta programá un òf dos presentashon pa luna.

E frònt di Tune lo keda konsistí di Tico Libiee, Luwi Jano, Quincy Cicilia i Jill Frans. Dia 28 di aprel próksimo, nan lo tin nan promé presentashon den e konstelashon aki den “Euphoria”, kua ta un fiesta bailabel huntu ku ERA i Argenis Huerta den Spoonz. Karchinan di entrada ya ta optenibel na balor di únikamente fl. 35,- na Tik Tak, Beep Beep Rio i Pompstation Sta. Maria. VIP single ta optenibel na Mensing’s Caminada. Pa reservashon pa VIP Table i Booth, yama 513-2841.

Pa bo keda na altura di e moveshonnan di Tune Ritmo tur dia, chèk su página di Facebook, www.facebook.com/TuneRitmoTurDia. Pa informashon i/òf reservashon di Tune, por tene kontakto ku Paco Nahr na +5999 5678777 òf paconahr@gmail.com.