Melania van der Veen den front di Tune

Suffisant- Un dje bandanan ku a dal masha duru mes ku diferente hit  den e ámbito di kòmbèk ta Agrupashon Tune. Numero nan manera “Duna tempu Tempu”, “Dios no ta bisti pidjama”, “ Poko Poko” i skarsedat di hòmber a yena pistanan di baile den tur fiestanan ku Tune a toka komo e banda ku a trese un sabor nobo den e ámbito ei. Dia ku Tune no ta tei mas Bailadores a sinti nan falta. E dianan ak Tune ta ensayando repertorio spesífikamente pa fiestanan di kòmbèk ku nan tin pendiente pa bai toka i un di e fiestanan aki ta esun di dia 10 di ougùstùs na Klup di Shell huntu ku Forsa Dos. E fiesta aki ta keda organisá pa Grupo di Karnaval Washi washi  pa rekoudá fondo E grupo aki algun luna pasá a presentá nan mes i nan tei bisti na “Fantasia di dou”. Tune lo tei ku su kantantenan Luwi Jano, Tico Libiee i Igmar La Reine i huntu ku nan komo kantante invitá lo tei Melania van der Veen, e diva di kòmbèk. Den último set e bandanan lo presentá “Un pa Un” i midi ta ken tin mas forsa. Entrada 25 florin serka miembronan Karchi ta optenibel na Beep Beep, Cornelias Place (na Juan Domingo serka Nel) i miembronan di e grupo.