WILLEMSTAD/ Den luna di òktober último TSeaN a biaha pa Los Angeles, California pa realisá grabashon di e kansion i videoclip titulá “Sorry”. Sobrá ta historia! E kansion a resultá un hit total na radio-emisoranan lokal poniendo TSeaN un biaha mas den tòp di popularidat den género musikal ritmo kombiná. E kansion mesora a duna inisio na un trayekto nobo pa TSeaN su karera artístiko. E videoclip produsí dor di Greyan Pastor, grabá  dor di ingeniero Sean Cannister na Westlake Studios na LA awe ta konosé su vershon akústiko. Ya for di djarason fanátikonan a aktivá riba retnan sosial pa skucha e piesa na su vershon mas kalmu, i te hasta mas romántiko. Di akuerdo ku e produktornan Jane Lee & Derrel “Titi” De Palm e piesa riba su mes ya a kousa un impakto, pues krea su vershon akústiko a bin ku un sierto preshon di ekselensia.

Tambe, ta interesante hasi menshon di otro produkshon titulá ‘Bo Kiss’ featuring 2Sync produsí dor di Sean Cannister ku a keda lansá hustamente riba dia di San Valentino e aña aki. Ámbos piesa ta antisipá TSeaN su promé EP titulá ‘Drechi’ -ku lo keda lansá den luna di Mei próksimo. Pa awòki ta invitá fanátikonan pa solisitá ámbos kansion serka nan Dj òf radio-emisora favorito i disfrutá, miéntras ta keda pendiente pa 22 di Mei 2020 dia riba kual lo estrená e EP. Sigui @TSeaN riba Facebook/Instagram. 

Danki pa e Love i Support di semper,