Willemstad – mei 2014: Djadumingu 25 di mei 2014 ta tuma lugá e di kuater edishon di ENNIA Curaçao International Triathlon.  E triatlòn ta konsistí di 3 parti; 1,5 km landamentu, 40 km kareda di baiskel i 10 km kore duru. Ta tene e aktividatnan akí riba e bunita tereno di Sta. Barbara Resort  i Mijnmaatschappij. Despues di e evento deportivo  lo tin un Beach Party grandi ku DJ internashonal i local riba playa. E evento di triatlòn akí ta hopi konosí entre triatletanan tantu lokal komo internashonal. Hopi deportista ekstranhero di Brazil, Aruba, Alemania i Ulanda a inskribí kaba pa e di kuater edishon. Curaçao Triathlon Association (CTA) ta organisá e evenemento akí huntu ku spònser prinsipal ENNIA. E parcours di landamentu ta konsistí di 2 rònchi den e awanan bunita di e playa di Sta. Barbara Resort. E parcours di baiskel ta konsistí di 2 rònchi di 20 km, ku punto di salida na lugá di parker di e risòrt i ta kore riba e tereno privá bunita di Curacaose mijnmaatschappij. E parcours di kanamentu ta 3 rònchi desafiante den e serunan den e área akí. Esnan ku ke inskribí por hasi esaki komo individual òf tim. Komo individual bo mes mester kompletá tur tres parti. Den tim tin un landadó, un koredó di baiskel i un kanadó. ENNIA Curaçao Triathlon ta kuminsá 7’or di mainta riba e playa, i entrega di premio ta tuma lugá mas o ménos mitar di 12. Despues di esaki tin un Beach After party fenomenal, ku djnan grandi tantu lokal komo internashonal ku ta bai entretené tur presente. DJ NRG, DJ Maarten Schakel I DJ RO-1 ta bai entretené e públiko ku un fiesta tremendo te 6 or di atardi. Entrada pa e After Beach Party ta grátis, pero mester registrá si viawww.ennia.com  pa por risibí e t-shirt  i banchi pa man ofisial pa e fiesta kual ta nesesario pa entrada. Pa mas informashon tokante e triatlòn  por bishitáwww.triathlon-curacao.comi pa  e After Beach Partywww.ennia.com