Sentro di Bario Groot Kwartier ta organisá djasabra dia 11  dia aprel un tremendo”Workshop di trahamentu di fli”. Esaki ta tuma lugá den e Sentro di Bario mes na Kwartier i ta kuminsá for di 1’or di mèrdia pa 5’or di atardi. Tur interesado pa siña traha diferente modelonan di fli ta bon bini. E invitashon ta unu habri pa tur hende , mucha , hóbennan i tambe hende grandi ku kier siña traha fli. Ekspertonan riba e tereno di traha fli lo splika i duna instrukshon kon pa traha e fli nan. Pa mas informashon por tuma kontakto ku ofisina di Sentro di Bario Groot Kwartier serka sra. Zahira Cannister di djaluna pa djabièrnè di 8;or di mainta pa 4’or di atardi na telefon: 737-8325 òf 661-4341. Bini unu bini tur, bin dibertí, i kompartí, i sera amistat trahando fli.