Hofi Cas Cora – Djaweps 12 di November 2015 un tim di produkshon lokal ta sali un biaha mas pa eksplora mundu,  destinashonan pa e seri di programa pa televishon pa 2015- 2016, “Boarding Pass”na e restaurant di ” Hofi Cas Cora”  Kòrsou por a sera konosí ku konsepto di e programa, e tim di produkshon i algun di e partnernan. Tambe a splika di kampañanan pendiente kaminda pueblo di Kòrsou por partisipá pa gana entre otro, e oportunidat pa biaha ku e tim di Boarding Pass i partisipá komo ko-presentadó di e programa huntu ku e presentadó prinsipal konosí pa su biahenan, Aisha Tromp. E di dos (2) edishon di Boarding Pass lo trese e eksperensianan personal estilo ‘reality tv’. Asina a inisiá ofisialmente e temporada NOBO di e programa di televishon pa 2015, Boarding Pass.

Konsepto di Boarding Pass

Segun e Produktor I alabes Director  David G. A Mitchell e konsepto ta simpel, Biaha, konosé i eksplorá diferente parti di mundu ta loke hopi hende na Kòrsou gusta i tin gana di hasi. Creative Partners, produktor di Boarding Pass sá tambe ku hende gusta mira i tende di otro ku bai promé ku nan, kon nan a eksperensiá e influensianan diferente, partisipá na aktividatnan aventurero, purba kosnan straño i topa hende interesante.

Tin hende ku sa biaha tur aña, asta algun bes pa aña i ta skohe kasi semper pa e destinashonnan di kustumber. Kuantu hende di Kòrsou konosé paisnan mas sur den Latino Amerika? Ademas, Paisnan serka di nos ku tarifanan sumamente atraktivo

Loke ta ainda mas interesante ta ku e partnernan ta regalá UN BOARDING BUDDY pa kada destinashon! Pues Boarding Pass tin un èkstra Boarding Pass pa kada biahe, pa kada bes un hende mas  ku partisipá na kampañanan durante e temporada di produkshon por kompaña e presentado Aisha Tromp riba su biahenan pa chèk in na un siguiente destinashon !

Boarding Pass lo “AIR”

Boarding Pass lo  pasa tur Djarason 19:30 na Telecuracao y tur Djaweps 22:00 na CBA Television ku Ripitishon Djadumingu 10:00 AM. Ademas por sigui tur notisia y oportunidad pa sea biaha of gana diferente premio ku Boarding Pass atraves di nan Facebook Page www.facebook.com/boardingpassshow, sigui e informashonnan pa sa ki dia Boarding Pass i kada partner ta start ku diferente kampaña inigualabel pa siguidónan por partisipá i gana diferente premio.  Tuma kontakto libremente ku David Mitchell