Garage Cordia Aruba ta orguyoso di anuncia

ORANJESTAD, Aruba – 16 di mei 2016: Garage Cordia, e agencia di autonan orguyosamente y cu hopi satisfaccion ta anuncia cu e marca di auto cu nan ta representa pa 50 aña caba na Aruba, esta Toyota, a keda scogi como e marca di auto mas valioso di mundo. Interbrand ta e institucion cu ta publica e “ranking” di e marcanan mas valioso di mundo. Toyota tin como sede Toyota (Aichi) Hapon y Bunkyo, Tokio, Hapon y e tabata e fabrica mas grandi di auto na 2012, surpasando Volkswagen y General Motors. E benta nan di Toyota mundialmente tabata alrededor di 9,98 miyon vehiculo na aña 2013.

Toyota ta produci auto, truck, bus y hasta robot. Robotnan produci pa Toyota, contrario na e vehiculonan, no ta wordo bendi na publico general. E balor di e compania a crece cu 20% den e ultimo periodo, yegando te na 42.392 miyon dollar Americano. Kiichiro Toyoda  a funda Toyota na aña 1922, cu awendia ta e di cinco compania mas grandi na mundo. E institucion di “ranking” Interbrand, ta existi for di aña 1974 y ta un di e conseheronan principal di marcanan na mundo. Interbrand tin presencia den 25 pais y ta conoci pa nan analisisnan rigoroso y strategianan meticuloso, creatividad y diseño di e calidad mas halto.

Tur aña Interbrand ta publica e estudio “Best Global Brands” cu ta ofrece un vision di e temanan mas nobo y tendencia nan di cada aña. Ademas, nan ta dirigi “brandchanel”, un plataforma cu mas 100 mil cliente pa incentiva e dialogo tocante di marcanan. E tres indicadornan riba cual Interbrands a basa su “ranking” anual di e 100 companianan di auto mas valioso di mundo ta entre otro e comportacion economico di e productonan y servicionan. Tambe ta tene cuenta cu e rol cu e marca ta hunga den e proceso di decision di e consumidor pa cumpra y sin lubida su fortalesa.

Garage Cordia Aruba ta contento cu e confirmacion un biaha mas di e confiansa cu Toyota tin mundialmente y na Aruba, entre clientenan y e reconocimento como e marca di auto mas valioso na mundo. Ta bon pa enfatisa cu den historia, Toyota ta e auto mas bendi na Aruba. Keto bay publico ta consider’e un bon marca y na Aruba cu un bon nomber pasobra Garage Cordia ta conoci pa no solamente bende e autonan, sino cu tin un bon ekipo di mecanico pa service e autonan y tin e surtido di piesanan mas grandi y amplio riba nos isla!