ORANJESTAD, Aruba – 27 di Januari 2017: Pa di dos aña consecutivo, Toyota ta participa como vehiculo oficial di e organisacion di un di e competencianan cu mas reto na mundo, e rally di Dakar. E compania a provee 42 unidadnan Hilux y SW4 pa facilita e mobilidad di e organisadonan di e competencia.

E rally di Dakar sin duda ta refleha e balornan y alma di Toyota: pasion, respet y trabao den conhunto, retando chauffeurnan, vehiculonan y nan teamnan. Ta uza e vehiculonan aki pa e trabaonan cu mas reto den e competencia, manera habri caminda prome cu competidonan pasa of ta provee sosten y asistencia na vehiculonan den e organisacion cu sufri daño of accidente durante e competencia. E flota di unidadnan disponibel na e organisacion tambe ta sostene e Team Tecnico di Toyota, un grupo di 14 mecanico profesional.

Desde e prome edicion na 1979 e vehiculonan marca Toyota a participa den e competencia aki. Den edicion 2017, un total di 36 for di 79 (mas di un tercera parti) di chauffeurnan den e categoria di auto a registra cu unidadnan di Toyota, haciendo e e marca mas scogi pa teamnan mundialmente pa yega na e demanda y competencia di e test. Adicional, di e 36 unidadnan cu a cuminsa e aventura, 28 a logra yega e meta, demostrando calidad, durabilidad y confiabilidad di e productonan di Toyota. Regardando e resultado, Toyota Gazoo Racing South Africa cu Giniel De Villiers y Toyota Overdirve cu Nani Roma, a yega na di 5 y 4 luga, respectivamente. E Land Cruiser Toyota Autobody team a keda corona pa di 4 aña consecutivamente den e categoria T2. Hino Team Sugawara tambe a drenta na prome luga den su categoria (10 liter of menos), pa di 8 aña consecutivamente.

“Mi ta increiblemente complaci cu e victorianan aki y kier yama pabien na tur cu tabata parti di e rally aki. Tambe mi ta gradici tur nos fannan cu a sostene e teamnan di Toyota durante nan retonan den e rally di Dakar e aña aki. Mi ta orguyoso di tur esunnan cu a registra cu un Toyota cu a reta e demandanan di e rally aki y cu a conkista e tereno bruto y agotado cu nan vehiculonan ‘Toyota-badged.’
E rally di Dakar ta hopi pisa y p’esey ta complaci y sinti nos mes humilde pa e cantidad di teamnan cu a pone nan confiansa den vehiculonan Toyota. Nos ta gradicido y respondiendo na e expectativanan di Toyota, un biaha mas nos a yega na e reconocimento renoba di e necesidad pa continuamente keda traha miho autonan. Retando camindanan y rutanan pisa ta yuda den e desaroyo di nos hendenan y mehora nos productonan, cu ta contribui na fabrica miho autonan. Moviendo padilanti, e Grupo Toyota completo lo lucha pa sigui traha miho autonan door di experiencia e camindanan diversifica y terenonan rond di mundo”, asina Presidente di Toyota Motor Corporation, Akio Toyoda a bisa. Un biaha mas Toyota ta demostra e pasion cu ta uni e cu su espectadornan den deportenan competitivo, yenando cu entusiasmo e amantenan di deporte di motor,l y treciendo e pasion di su ‘four wheels’ na un publico creciente.