Licores Maduro ta invitabo kumpra bo karchi na preis di promoshon Dewars e wikènt aki:
WILLEMSTAD/ DESEMBER: Awe, djabièrnè i mayan djasabra Licores Maduro ta dunabo oportunidat di disfrutá di e konsierto dia 20 di desèmber “Gentlemen Christmas Dinner Show” na preis di promoshon Dewars White Label. Miéntras ku ya kaba tin hopi espektativa, Licores Maduro komo un di e patrosinadònan di e “Gentlemen Christmas Dinner Show” lo bende un kantidat di karchi general limitá na NAf 55,00 i Dinner (mesa) pa Naf 135,00 únikamente e fin di siman aki na su Liquor Store di Licores Maduro situá na Dokweg. Kòrda sí ku Liquor Store ta habri djasabra te ku 2’or di mèrdia. Tur punto di benta lo tin karchi di tantu general komo e bufèt, pero únikamente na Licores Maduro lo tin e preis di promoshon djabièrnè dia 12 i djasabra dia 13 di desèmber. E kabayeronan di kansion, amigunan di esenario i berdadero galánnan di tur tempu, lo para huntu riba esenario pa presentá un show tur afó. Tres konsierto den un; Tony Sherman, Leslie Vos i Boy Thode lo kanta tur nan éksitonan riba un solo anochi kompañá pa un All Starband bou direkshon di maestro Gregory Colina. Djasabra dia 20 di desèmber próksimo na WTC. Den antesala di e show, Amos Balentin, Randy Leroy i Clifton End lo kanta den antisipashon di e konsierto “Gentlemen Christmas Dinner Show”. Pa e show dia 20 di desèmber benidero lo tin 2 sekshon- General òf Mesa. Por kumpra e mesa kompletu di 6 persona, òf por kumpra karchi los na puntonan di benta i tuma asiento pa disfrutá di e sena fenomenal ku a keda prepará dor di The Trader. E bufèt lo konsistí di delisianan navideño, un variashon amplio di kuminda entre otro e tradishonal ham di Pasku, salada di bakiou/ galiña sukulento, tambe por saboriá di beef tenderloin, Ayaka na fòrnu i muchu mas sirbí den ‘dinner size dishes’.- e bufèt ta inkluí 2 bebida. Bufèt lo wòrdu sirbí entre 20:00 i 21:30, pa despues show kuminsá. Ta rekordá riba e diferente puntonan di benta, Mensings Caminada, Tik Tak i Beep Beep na Rio Canario- pa reservashon di mesa por yama 513.2137 òf 690.7272.