…… Ku The Freewindsband, NGN Brazz i varios artista lokal ………..

WILLEMSTAD – Djamars awor dia 12 di ougustus, Freewinds lo organisa un otro konsierto gratis ( entrada liber) pa pueblo di Korosu. Esnan ku a presensia e show di tres siman pasa, por a korda kon great nan a pasa disfrutando di e kansionnan di Toni Worrel. Djamars awor lo tin otro show gratis ( pornada) di Toni Worrel riba Freewinds, ku akompañamentu di The Freewindsband i tambe NGN Brazz ku ta konsisti di e musikonan lokal, Norman Kooks riba trumpet, Giovanni Atalita riba trombon i Norbert Girigorie riba tenor sax. Aparte di Toni Worrel, e biaha aki lo bai tin presentasahon di un artista invita i tambe varios alumno di e skol di Toni Worrel. E artista invita lo ta Skylar Danne ku siman pasa a duna un tremendo presentashon den e konsierto di Ronald Mc Donalds riba Freewinds. Pa loke ta trata e alumnonan di e skol di Musika di Toni Worrel lo tin Robert Cors, Christina Vlieg,  Saphira Sparks, Ashwin Oemrawsingh i tambe Gwendolyne Fransisca. For di ultimo konsierto di Toni Worrel, un i tur por a kuminsa haña un idea di kon e hobennan aki ta kanta i awor aki, Freewinds ta brinda nan un oportunidat pa presenta dilanti un publiko grandi. Manera tabata e kaso 3 siman pasa, e konsierto di djamars awor dia 12 di ougustus ta gratis. No tin mester di karchi pa drenta. Esnan ku ke bai e konsierto, mester soru pa nan tei presente for di 7:30 pm pa asina ei nan por drenta i disfruta di un tremendo shou.  Si ta pidi tur hende pa bini na un manera desente i nechi. Freewinds ta organisa e eventonan aki pa Pueblo di Korsou.